Камерен Оркестар Битола со гордост ќе учествува на свеченото одбележување на Денот на светите Кирил и Методиј во Рим. Овој значаен настан ќе ја истакне културната и духовна врска меѓу Македонија и Европа, почитувајќи го наследството на сесловенските просветители.

На овој свечен концерт, Камерен Оркестар Битола ќе настапи заедно со извонредната солистка Нада Талевска-Спасовска, чиј моќен вокал ќе внесе посебна димензија во музичката програма. Нејзината изведба ќе ја одбележи вечерта со композиции кои го слават духовното и културното наследство на светите Кирил и Методиј.

Програмата на концертот е внимателно одбрана за да ја истакне македонската музичка традиција и богатото културно наследство.
Публиката ќе има можност да ужива во изведбите на автентични македонски изворни песни, како што се „Бор садила мома Евгенија“, „Елено ќерко“, „Јовано Јованке“ и „Налеј, налеј“. Концертот ќе вклучува и сплет од староградски песни за Битола, како и византиски мелодии и други дела од богатата македонска музичка ризница.

Настанот има за цел да го одбележи значењето на словенската писменост и култура, како и да ја промовира македонската музичка традиција пред меѓународната публика.

Ова е уникатна можност за сите присутни да доживеат незаборавна музичка вечер во чест на големите просветители, во градот кој претставува центар на европското духовно и културно наследство – Рим.

За повеќе информации за настаните на НУ Камерен Орксетар на Битола, следете ги нашите профили на социјалните мрежи Facebook и Instagram.